venres, 31 de outubro de 2008

POEMAS DE OUTONO



Felipe Bello Piñeiro: Río en outono, c 1930.
60,00 x 80,00 cm. Óleo sobre lenzo
Colección Caixanova


O Equipo de Normalización Lingúística do cole propón un montón de adiviñas, poemas e cantigas para celebrar o MAGOSTO.

DITOS, ADIVIÑANZAS E CANTIGAS DO MAGOSTO
PANDEIRADA DE ESTEIRO

A castaña e mailo ourizo
marcharon onte de festa,
voltaron ámbolos dous
dacabalo dunha besta.

Retrouso

Ai la le lo, ai la le lo
Ai la le lo, ai la la lo.

A castaña e mailo ourizo
fórondo onte de troula.
El caeu por un barranco,
ela rematou na ola.

Retrouso

A castaña e mailo ourizo
celebraron un magosto.
Ela escaldou a pel,
el escapou por moi pouco.

Retrouso

A castaña e mailo ourizo
caeron dentro dun pozo.
El escapou amodiño,
ela a fume de carozo.

Retrouso

A castaña e mailo ourizo
fóronse de romaría.
Espertáronse á mañá
no medio e medio da ría.

Retrouso

Sei cantare, sei bailare,
tamén sei face-lo tonto.
Como son fillo dun probe
teño que saber de todo.

Retrouso

Os artistas que aquí estamos
temos pouco que facere.
Pasamos así o tempo
con moitísimo pracere.

Retrouso

E remata xa o baile.
Deixémonos xa de contos.
Preparade esas castañas.
Comecémo-lo magosto.


CHEGOU O OUTONO
(POEMAS DE NENOS E NENAS)


Chegou o outono
secáronse as follas.
Sopra o vento
e as follas caen nun momento.

E como vai frío
acendemos a estufa.
O calor do lume
faime sentir novo.

Vou ao horto
e de mazás encho o cesto.
Vou ao campo
e un castiñeiro planto.
Ven un esquío
apañar unha piña.
O raposo astuto
escóndese tras dun arbusto.

Que mási podo dicirche
se o outono é tan triste!

O outono chegou
empezou a chover.
O outono está moi ben
porque eu castañas comerei.
No parque xogarei
cando o aire bote a correr.

SOÑO DE OUTONO


Un neno mentres durmía soñou
o outono xa chegou.
Debaixo dunha árbore mirando ao ceo
vía caer as follas no chan
a árbore está triste
os paxaros non poden facer o seu niño.
O neno espertou
o soño rematou
e o outono empezou.

CHEGA O FRÍO


O frío chega
a choiva cae
ata pola cheminea.

As follas caen
e as uvas
e o vento protéxeas
ata con luvas.

As follas secas
caen sobre os cogomelos.
Comemos mazás
comemos granadas
comemos castañas
varias semanas.

Xa se ven as árbores núas
con coellos e xabaríns arredor súa.

Nas casas
acendemos o lume
mentres ao calor
comemos castañas asadas.

Para ir á escola
téñome que abrigar
se non me quero acatarrar.

As cores do outono
son moi bonitas
amarelas, vermellas,
ocre marrón...
!Como me gustan!

O outono ule
a choiva que cae
que molla a terra
que molla as follas.

O outono ule
a cogomelos que se esconden
a castañas asadas
a nenos que corren.

O outono ule
a frío que chega
a aire puro
que o vento leva.

O outono ule
a froitas secas
a nenos que xogan
a aire fresco
a follas que voan

O outono ule
a pingas de choiva
a terra mollada
a herba fresca.

O outono ule
a follas que voan
a aire fresco
a paxaros que se alonxan.

Da serra aos prados
tende o outono o seu veo
as follas durmidas voan
tinguindo de ocre o ceo.

As árbores xa cansas
vístense de frío inverno
a neve cobre os montes
o río acubilla o xeo.

Os merlos buscan a luz
alzando cara sur o seu vo.
Os nenos nas súas ventás
amontóanse para velos.

Xa se murchan as flores
xa non fala a carricanta
mirando a Natureza
sinto que me treme a alma.

Nostalxia radiante de outono
das núas tardes caladas
recordos da miña nenez
entre aromas a terra mollada.

No campo, é a recolección
vendima de uvas e froitas secas
noces, castañas, avelás...
mandarinas, laranxas, figos, granadas...

Nun rincón da escola
con todas as froitas do outono
reunidos todos moi xuntos
unha gran festa facemos.

O calor do lume
as cores de outono
as castañas asadas
a terra mollada
están no meu recordo.
Esta é a maniera
de compartilo todo.

O outono é un barco que navega
con abrigos, silencios e paraugas
sobre os parques e as arboredas.

Gaivotas amerelas
son as follas que voan
e caen lentamente
ata pisar a terra.

O ceo frío parécese ao fume
dos barcos sin vela
que debuxan o soño dos ventos
cos pinceis das súas chemineas.

Ningún comentario:

O test do estudante

Preme aquí para facer o test e comprobarás se eres ou non un bo estudante.

AGUSTÍN FERNÁNDEZ PAZ

AGUSTÍN FERNÁNDEZ PAZ
SEMANA DO LIBRO

CONSULTA OS NOSOS FONDOS

CONSULTA OS NOSOS FONDOS
Programa MEIGA

DE LA MANO DE ALICIA

DE LA MANO DE ALICIA
WEBQUEST. Preme na imaxe.

RECURSOS PARA AS DIFERENTES ÁREAS

RECURSOS PARA AS DIFERENTES ÁREAS
Listado por áreas

RECURSOS: Pintura en Ferroltera.

RECURSOS:  Pintura en Ferroltera.
Genaro Pérez Villaamil

Ricardo Segura Torrella

DÍA DA PAZ

DÍA DA PAZ
ITE. EDUCACIÓN

Camilo Díaz Baliño

SEMANA DO LIBRO

RECURSOS

RECURSOS
Dende "O RECANTO DE MICK"

EL INGENIOSO HIDALGO DON QUIJOTE DE LA MANCHA

OS IRMÁNS GRIMM

OS IRMÁNS GRIMM
Preme para ler os contos

BLOGS DE APOIO Á BIBLIOTECA

EXPERIMENTOS CIENTÍFICOS

EXPERIMENTOS CIENTÍFICOS
Preme no listado

COMO UTILIZAR O CATÁLOGO ONLINE DA BIBLIOTECA MUNICIPAL DE FERROL. FORMACIÓN DE USUARIOS.

PARTES DUN LIBRO

FERROL

FERROL

BLOGS DO PLAMBE DE FERROL

BIBLIOTECAS ESCOLARES DE GALICIA. PRIMARIA E SECUNDARIA

MOITOS BICOS PARA TODOS OS MÉDICOS QUE PARTICIPAN NO PROGRAMA "MÉDICOS SEN FRONTEIRAS"

Unha preciosa e delicada campaña, narrada por nenos, sobre a desnutrición en África.Contribúe e pon tamén o teu grao de area para que esta situación deixe de ser realidade.

Violencia de xénero. Información para xóvenes e adolescentes.

Grupo TELECOM. Fundación ORANGE

Grupo TELECOM. Fundación ORANGE
Autismo, discapacidade visual e auditiva,

Arquivo do blog

"LA CLARIDAD DE LA SOMBRA"

"LA CLARIDAD DE LA SOMBRA"
CRISTINA PRIETO SOLANO (preme na imaxe)

ETIQUETAS

O test do estudante

Preme aquí para facer o test e comprobarás se eres ou non un bo estudante.

Entradas populares

Seguidores

Related Posts with Thumbnails

NOVEMBRO. MES DA CIENCIA EN GALEGO

Buscar neste blog

RECURSOS PARA AS DIFERENTES ÁREAS

RECURSOS PARA AS DIFERENTES ÁREAS
Listado por áreas