Os nenos e nenas participantes no Club de Lectura realizaron, no mes de decembro, unha visita ao centro de maiores do barrio. Prepararon unhas lecturas e, tamén, unhas bonitas postais de Nadal coas que agasallaron aos usuarios e usuarias.
As lecturas foron variadas, desde adiviñas ata poemas, pasando por lecturas de Nadal. Ao remate cantaron entre todos unhas panxoliñas, que a moitos recordaron tempos anteriores, da súa nenez.
Ao finalizar a visita, os nenos e nenas degustaron unha saborosa merenda de chocolate con churros, da que non quedou nin unha faragulla :-)
Grazas por acollernos un ano máis e deixarnos compartir unha tarde de lecturas, risas e agarimo con todos vós.
Ningún comentario:
Publicar un comentario