UNHA BIBLIOTECA CHEA DE TESOUROS. CEIP ESTEIRO (FERROL). Esta biblioteca pertence á rede PLAMBE. Consellería de Educación e Ordenación Universitaria. Xunta de Galicia.
Á volta de Nadal moitos nenos e nenas estaban desexando poder voltar á biblio no tempo de recreo.
Algúns prefiren xogar a xogos de mesa, outros a LEGO, moitos e moitas queren debuxar, as marionetas tamén son das preferidas e, como non, os e as axudantes organizando, buscando libros, colocando e xestionando os préstamos.
Este día abrimos un buratiño para poder ver todo o que acontece na biblio cando éstá aberta ao público :-)
Xa case é un clásico que nenos e nenas de 3º a 6º de primaria vaian á biblioteca a xogar na semana previa ás vacacións de Nadal.
Establecemos varios espazos de actividades, aproveitando os recursos da biblioteca, e incorporamos sempre un obradoiro de Nadal. Neste caso a proposta foi facer adornos de Nadal co lapiceiro 3D, xa que contamos con varios grazas ao programa de Polos Creativos.
Ademais, xogos de mesa, lettering e papiroflexia, LEGO, sopas de letras en galego e lecturas de Nadal foron as outras actividades nas que podían participar.
Polo Día do Libro estamos a celebrar o Preguntón, un xogo de pistas con preguntas sobre a biblioteca e o Museo do Xogo Popular.
Con esta dinámica traballamos aspectos como as seccións da biblioteca, os tellos ou etiquetas, os tipos de lectores e, tamén, damos visibilidade aos xogos do museo así como aos carteis informativos.
Este ano, ademais, aproveitamos a exposición de libros favoritos "Os 40 principais" para buscar alí información, como títulos de libros ou autores e autoras.
Outro aspecto importante é o desenvolvemento da actividade, en pequeno grupo, fomentando o traballo en equipo, a organización do mesmo así como a competencia lectora e a pescuda de información. Pero non rematamos aí, senón que a actividade final e en gran grupo, polo que é imprescindible esperar a que todos os nenos e nenas rematen. Deste xeito respectamos os ritmos individuais e damos valor ao concepto de equipo, xa que todos e todas son necesarios para atopar o premio final.
Deixamos unha pequena mostra de fotos, e un video co desenvolvemento deste divertido xogo.
O venres 4 de abril tivemos unha visita moi especial, o mago Daniel.
Reunímonos todos os nenos e nenas da escola no salón de actos e non houbo moitas palabras, pero si moita ilusión e fantasía ademais dunha morea de risas.
Foi xenial o teu espectáculo, esperamos que volvas noutra ocasión :-)
Xa están no corredor da biblioteca parte dos fondos relacionados con mulleres científicas a disposición de toda a comunidade educativa para conmemorar o Día da Nena na Ciencia.
A Pescadora de Historias tamén ten unha selección de libros para os máis peques!
Xa case é unha tradición que o alumnado de 3º a 6º de primaria pase unha sesión xogando na biblio nas datas previas ás vacacións de Nadal.
Aínda que nenos e nenas poden vir no recreo a realizar empréstitos, ler, xogar... non todos veñen, así que este é un xeito de que un día todo o grupo de clase pase unha xornada de lecer e poidan descubrir as oportunidades que ofrece a biblioteca.
Propoñemos sempre actividades ás que poden optar a cotío como o recanto lego, os xogos de mesa, o lettering e algún outro relacionado co Nadal, neste caso foi un taller de chapas.
Para organizalo, previamente deseñaron a súa chapa de Nadal nas aulas e, despois, na sesión na biblio, empregaron a máquina de chapas con algo de axuda do profesorado.
Foi unha sesión distendida e divertida e cunha orixinal chapa para poder levar para casa.
Grazas aos titores e titoras por colaborar para que estas sesións se poidan realizar, ao profesorado que axuda nas sesións e aos nenos e nenas por vir con ilusión a xogar na biblio.
Aumentamos o recanto de xogos de mesa con novas adquisicións, neste caso xogos inclusivos adaptados a todos os nenos e nenas. Esperamos que teñan unha boa aceptación entre o alumnado e profesorado, convertíndose nun novo recurso para aprender e disfrutar no tempo de lecer na escola.
Para conmemorar o Día do Libro xa é habitual organizar o Preguntón. Un xogo de pescuda de información, na biblioteca da escola e noutros espazos como o Museo do Xogo Popular, ubicado no interior do noso centro.
O xogo comezaba na biblioteca, cunhas pequenas instrucións, colgantes de cores para facer 5 equipos e unha folla para anotar as respostas.
Un ano máis o equipo de biblioteca convida ao alumnado de 3º a 6º de primaria a unha sesión de xogos e obradoiros na biblioteca da escola. Trátase dunha sesión de lecer, na que cada quen pode participar nas actividades que máis lle apeteza, deste xeito promovemos o emprego da biblioteca entre todos os nenos e nenas, sobre todo aqueles que non acuden de xeito habitual.
Taller de lettering, obradoiro de postais de Nadal, xogos de mesa e recanto LEGO foron as propostas deste curso... e que hai cousas que sempre teñen éxito!
Grazas a todos os nenos e nenas pola súa participación nesta proposta, e aos titores, titoras e demais profesorado que colabora para que esta actividade sexa posible.
Unha imaxe vale máis que mil palabras!
Para conmemorar o Día do Libro o alumnado da escola participou un ano máis no Preguntón. Este ano plantexámolo como unha búsqueda do tesouro, atopando pistas distribuídas na biblioteca e Museo do Xogo Popular.
Para organizalo decidimos crear tres niveis: Educación Infantil, 1º-2º-3º de Educación Primaria e 4º-5º-6º-de Educación Primaria.
En tódolos casos o alumnado foi dividido en 5 equipos de cores: vermello, amarelo, verde, azul e laranxa.
Na quenda de Educación Infantil cada equipo resolveu unha proba e ao final tiveron que compoñer un crebacabezas que lles daría a pista de onde se atopaba o tesouro.
Nas quendas de Educación Primaria, houbo 5 equipos de cores por aula, pero tamén había 5 itinerarios de preguntas, con 5 probas cada un. Ao final atopaban ou ben as pezas dun crebacabezas para compoñer ou no caso de 4º, 5º e 6º frases dunha rifa popular, para ordear ata que fose correcta.
As preguntas estaban relacionadas con espazos da biblioteca, como as zonas onde están ubicados os libros (prelectores, primeiros lectores e lectores autónomos), coa localización de libros (informativos, narrativa, poesía..) así como coa localización de xogos e información relacionada co museo e a resolución de adiviñas. Por exemplo:
Esta actividade está relacionada coa liña de traballo que iniciamos este curso para darlle maior visibilidade ao museo, sendo este protagonista de diferentes actividades ao longo de todo o ano.
Foi unha semana intensa pero pagou a pena, xa que nenos e nenas participaron activamente na proposta e pensamos que lles gustou moito.
Grazas a todos os que colaboráchedes na organización e desenvolvemento da actividade, sen a vosa participación non sería posible.
Hai unhas semanas o equipo de dinamización da biblioteca convocou un pequeno concurso para que o alumnado fixese propostas para o nome e logotipo da nosa radio escolar.
No corredor da biblioteca hai unha exposición das súas creacións, vai ser unha decisión moi difícil!
Nestes primeiros días de decembro xa temos preparada unha pequena exposición de libros sobre Nadal. Pero non será a única proposta para estes días, temos un montón de sorpresas!
Os días 14, 15 e 16 de decembro o alumnado desde 3º a 6º de primaria terá unha sesión de xogos na biblio. Haberá xogos de mesa, recanto de lettering, recanto LEGO e un pequeno obradoiro de marcapáxinas de Nadal.
Os días 19 e 20 de decembro será tempo para os peques do cole. Todo o alumnado de infantil, 1º e 2º de primaria acudirá a un contacontos de Nadal. Os axudantes da biblioteca deste trimestre están a preparar as lecturas con moita ilusión, así que esperemos que todo saia ben e sexa un bonito momento de encontro.
O venres, conmemoramos na escola o Día das Bibliotecas cunha xornada moi especial. Visitounos o escritor Antón Cortizas e partillou con todo o alumnado da escola contos, rimas, lecturas e xogos.
Previamente, o equipo de biblioteca preparou unha exposición, con parte da súa bibliografía, para que en todas as aulas coñeceran a súa obra.
A FINAIS DO 2º TRIMESTRE TODAS AS CLASES DE PRIMARIA DISFRUTARON DUNHA NOVA SESIÓN DE XOGOS NA BIBLIOTECA DA ESCOLA.
AS PROPOSTAS ESTA VEZ FORON: LETTERING, CREACIÓN POÉTICA, XOGOS DE MESA, LEGO E ORDENADORES. NO VIDEO PODEREDES VER O BEN QUE O PASARON E AS GAÑAS QUE HAI DE VOLTAR Á BIBLIOTECA COMO FACIAMOS ANTES.
OS NENOS E NENAS DE EDUCACIÓN INFANTIL TAMÉN TIVERON UNHA XORNADA ESPECIAL NA BIBLIOTECA, NESTA OCASIÓN NADA MÁIS E NADA MENOS QUE UN CONTACONTOS ORGANIZADO POR UNHA NOVA COLABORADORA DA “PESCADORA DE HISTORIAS”:
A CONTACONTOS MARISA QUE CONTA UNHA HISTORIAS QUE TE ESMENDRELLAS DE RISA!
NAS SEGUINTES FOTOS VEREDES O ATENTOS E ATENTAS QUE ESTIVERON, E QUE FOI VERDADE QUE HOUBO RISAS A ESGALLA ;-)
GRAZAS A TODO O ALUMNADO POR ACUDIR CON ILUSIÓN A ESTAS PROPOSTAS DO EQUIPO DE BIBLIOTECA E GRAZAS A TODO O PROFESORADO POLA SÚA IMPLICACIÓN PARA QUE ESTAS ACTIVIDADES SEXAN POSIBLES.
A finais do 1º trimestre nenos e nenas de primaria desfrutaron dunha sesión de xogos na biblioteca. O equipo de biblioteca organizou distintos recantos para que o alumnado tivese diferentes opcións: papiroflexia, debuxo, fotografía, ordenadores, xogos de mesa e LEGO.
Por unhas horas a biblioteca recuperou a actividade habitual, con risas, amigos, amigas e moita diversión.
No seguinte enlace tedes, polo miúdo, as fotos que fixeron nenos e nenas participando no recanto de fotografía no reto de book face friday.
https://bibliotecaceipesteiroferrol.blogspot.com/2021/12/no-mes-de-decembro-o-alumnado-de.html
E non nos olvidamos dos peques de infantil, que tiveron unha sesión de cine con flocos de millo incluídos :-)
Repetiremos!
