NOVIDADES 3º TRIMESTRE 25-26

A Pescadora de Historias sempre ten novidades cando comeza un trimestre, así que xa tedes á vosa disposición unha morea de libros, contos e xogos :-)

Sempre temos en conta a caixa de correo onde escribides as vosas suxestións, e mercamos o xogo "Virus", máis libros de "Diario de Greg" e de "Harry Potter". As vosas ideas axudan a mellorar a colección que existe na biblioteca dos tesouros. Grazas!

Novidades para prelectores

Máis novidades para prelectores

Novidades para lectores autónomos

Novidades para primeiros lectores

Novos xogos

Listas para xogar!

NOVIDADES NADAL 2025

Novidades Nadal Biblioteca 2025

Leer más publicaciones en Calaméo

NOVIDADES PARA O 3º TRIMESTRE 24-25

O 3º trimestre chega cunha morea de novidades para todos os nenos e nenas da escola. Pronto pasaremos polas aulas para presentalos, pero xa podedes pasar pola biblio para collelos en préstamo. Esperámosvos!

NOVIDADES BIBLIOGRÁFICAS FEBREIRO 2025

Libros Corpo, Consentimento, Cambios

Publicado Grazas a Calaméo

QUE SON AS DESIDERATAS?

Que son as desideratas? É un conxunto de cousas que se estrañan. Aplicado á biblioteca escolar serían os libros ou materiais que queremos que haxa e non existen. 

Un dos xeitos que ten o alumnado da escola de ser partícipe do funcionamento da biblioteca escolar é a través das súas peticións e aportacións para completar o catálogo existente, é dicir, a través das "desideratas". Para facelo ten a súa disposición unha caixa de correo onde anotar as súas suxestións, ideas e títulos que lles gustaría que mercásemos. 

No corredor da biblio fixemos un pequeno mural onde explicamos que son as desideratas e cales xa forman parte da biblioteca dos tesouros, como libros da colección "Policán", libros da colección "Los pitufos y la aldea de las chicas", ou o libro de banda deseñada"Alergia".

BENVIDOS E BENVIDAS Á BIBLIOTECA DOS TESOUROS

O 7 de outubro a biblioteca dos tesouros abre as súas portas con moitas novidades lectoras para todos os nenos e nenas da escola. Nas imaxes veredes algunhas delas, pero haberá algunhas lecturas máis que iremos incorporando pouco a pouco. 

Esperamos moitas visitas nestes primeiros días, xa hai moitas ganas de ler, xogar e compartir no tempo de lecer.

Ademais no corredor da escola a Pescadora de Historias fixo unha pequena escolla de libros sobre a amizade, o respecto, a convivencia... e deixouvos varias mensaxes moi importantes, non deixedes de lelas ;-)

NOVIDADES 3º TRIMESTRE

 O 3º trimestre xa está aquí e con el chegan moitas novidades á biblioteca dos tesouros. 

Novidades prelectores

Novidades primeiros lectores

Novidades lectores autónomos

Destacamos entre todas este libro de poesía de Antón Cortizas, moi relacionado co noso Museo do Xogo Popular: Os versos da mariola.

Tamén temos novidades escritas polo autor Pere Tobaruela, que recentemente estivo na escola.

E seguimos apostando polo libro informativo en galego, como este sobre as illas galegas, moi interesante!

Esperamos que, como sempre, as novidades sexan moi ben acollidas e estean moi pouco tempo nos estantes. 

NOVIDADES 2º TRIMESTRE

Comeza un novo trimestre e, con el, un montón de novidades para os nenos e nenas do cole de Esteiro. Entre elas títulos solicitados polo alumnado na caixa de correo que temos na biblioteca, suxestións das familias, libros escollidos polo equipo de biblioteca... 

Facendo honra ao lema deste ano das bibliotecas escolares: "Unha biblioteca escolar en viñetas", ofrecemos bastantes libros de banda deseñada, que ademais son das lecturas favoritas do alumando da escola.

Novidades prelectores: 

Novidades de primeiros lectores:

Novidades de lectores autónomos:

APERTURA DA BIBLIOTECA DOS TESOUROS

Coa chegada do mes de outubro, a nosa biblioteca abre as súas portas e, como non poder ser de outra maneira, cunha morea de novidades editoriais.

Na entrada da biblioteca están a esperar libros informativos e de ficción tanto para prelectores, como para primeiros lectores e lectores autónomos.

Seguimos apostando por incorporar libros informativos en galego, como estes de Blanca Millán: 

Os libros sobre mulleres pioneiras seguen a aumentar nos nosos estantes, como "Galegas na ciencia" ou "Mujeres en el deporte":

Non esquencemos as peticións do alumnado, incorporando novos volumes de coleccións que lles gustan como "Diario de Greg", "Gravity Falls", "Narval"...

Para os prelectores aumentamos a colección de libros sorpresa (mago laranxa) que son os máis solicitados, incorporando varios libros da colección do Polo Pepe, personaxe moi querido entre os máis pequerrechos e pequerrechas.

Tamén apostamos pola banda deseñada en galego e os libros xogo como a colección "Busca y encuentra" que está entre as favoritas do alumnado de 4 e 5 anos.

Esperamos que todos estes libros sexan do interese do alumnado e non estean moito tempo nos estantes. Benvidos e benvidas á Biblioteca dos Tesouros!

NOVIDADES TERCEIRO TRIMESTRE

 

Novidades 3º Trimestre 22 23

Publicado grazas a Calaméo

NOVIDADES DO SEGUNDO TRIMESTRE (2022-2023)

 

Novidades Biblioteca 2º Trimestre 2023

Publicado grazas a Calaméo

CAIXAS TEMÁTICAS POLO 8M

 Desde a biblioteca, como xa vén sendo costume, comezamos a repartir as nosas caixas temáticas polas aulas onde a rapazada poderá acceder a lecturas alternativas, con historias variadas pero tamén con personaxes femininas que aparecen como protagonistas. Abordando temas xa traballados na escola pero enfocando as olladas desde outro prisma. Este ano como novidade inclúense algúns xogos coas caixas para poder compratilos entre os distintos cursos.

 Os acontecementos do día a día fan necesario un compromiso desde todos os ámbitos, pero especialmente desde o educativo e familiar para  seguir loitando por unha igualdade real na nosa sociedade.