UNHA BIBLIOTECA CHEA DE TESOUROS. CEIP ESTEIRO (FERROL). Esta biblioteca pertence á rede PLAMBE. Consellería de Educación e Ordenación Universitaria. Xunta de Galicia.
Por fin chegou o día! A biblioteca abríu as súas portas no recreo e moitos nenos e nenas estaban desexando visitala :-)
As novidades lectoras xa están preparadas para chegar a todas as vosas casas, moitas delas suxestións que ides deixando na caixa de correo da Pescadora de Historias. Esperamos que vos gusten!
O día 17 de maio homenaxeamos a Begoña Caamaño e na biblioteca dos tesouros xa temos todo preparado. Temos unha pequena exposición coas novidades editoriais que mercamos sobre Begoña, así como outros libros das outras mulleres aos que se lle dedicou esta data en anos anteriores.
Begoña Caamaño foi unha xornalista e escritora galega, feminista e activista política.
Nestes 64 anos que leva existindo esta conmemoración, desde 1963, son 8 as datas dedicadas a mulleres:
1963: Rosalía de Castro
1987: Francisca Herrera Garrido
2007: María Mariño
2018: María Victoria Moreno
2021: Xela Arias
2024: Luísa Villalta
2025: Cantareiras
2026: Begoña Caamaño
Nestes últimos anos a muller toma un papel relevante e visibilízase a súa labor no eido cultural: literatura infantil, radio, traducción, música...
Na nosa exposición hai libros de todas elas, biografías, poesía, contos... e tamén libros de producción propia dos nenos e nenas do cole, realizados nos últimos anos.
Polo Día de Rosalía de Castro os seus poemas ocuparon un lugar especial no corredor da biblioteca, xunto con algunha biografía, conto sobre ela ou escolmas poéticas de diferentes autores.
Ademais desde o EDLG propuxeron que cada aula fixese un caligrama que tamén estarán expostos no corredor. Os caligramas feitos polas clases de educación primaria serán baseándose nalgúns dos seus poemas máis relevantes:
1º EP "Eu ben vin estar o moucho"
2º EP "Chove miudiño"
3º EP "Adiós ríos, adiós fontes"
4º EP "Campanas de Bastabales"
5º EP "Lugar máis fermoso"
6º EP " Has de cantar"
Os nenos e nenas de educación infantil son os encargados de realizar o rostro de Rosalía escribindo títulos de libros, de poemas ou pequenos versos... Mirade que ven quedou o resultado!
O 2º trimestre ven cargadiño de novidades! Pasade pola biblio no tempo de recreo para mirar e escoller a que máis vos guste.
Neste trimestre houbo unha morea de novidades, moitas delas suxestións dos nenos e nenas do cole.
Como podedes decirlle á Pescadora que libros queredes ou algunha idea para mellorar a biblioteca? Deixando unha nota dentro da caixa de correo que está na biblioteca. Deste xeito a Pescadora tomou boa nota das vosas propostas e mercou libros de banda deseñada como "Pitufos", "El club de las canguro", "Dani y Evan" ou "Coraje"; narrativa como "El diario de Greg" o "Los compas" e libros informativos como un sobre a Primeira e Segunda Guerra Mundial.
A Pescadora tamén fixo a súa propia selección comprando libros informativos como "Inuit", "O gran libro das nosas vilas" ou "A egua de Breog´na", poesía como "Tesouro" de Hércules edicións, narrativa con Ledicia Costas con "Feriópolis"e banda deseñada como "Fantasmas" da editorial Maeva Young.
Esperamos que estas lecturas sexan do voso interese!
A biblioteca dos tesouros abre de novo as súas portas e sabemos que moitos e moitas de vós estades desexando vir :-)
Novos axudantes, novidades lectoras, primeiros lectores... xa tardaba en chegar este momento!
Ah! Lembrade a importancia de respectar as normas para que todos e todas esteamos a gusto neste recuncho da escola.
BENVIDOS E BENVIDAS AO CURSO 2025/2026 NA BIBLIOTECA DOS TESOUROS!
Coa chegada do mes de outubro, a nosa biblioteca abre as súas portas e, como non poder ser de outra maneira, cunha morea de novidades editoriais.
Na entrada da biblioteca están a esperar libros informativos e de ficción tanto para prelectores, como para primeiros lectores e lectores autónomos.
Inauguramos hai uns días un novo espazo de lectura: un punto de intercambio de libros. Esta idea foi proposta polas familias, habilitar un lugar onde coller e deixar libros que nos gusten ou nos apeteza compartir co resto da comunidade educativa.
Esperamos que esta iniciativa sexa do voso agrado.
