OBRADOIRO RADIOFÓNICO CON CRISTINA COLLAZO

Os nenos e nenas de 6º de primaria participaron nun obradoiro de radio relacionado co teatro. Para impartilo contamos con Cristina Collazo, actriz, directora, mestra... 

https://criscollazoactriz.gal/es/bio

Nenos e nenas desfrutaron un montón e coñeceron unha nova forma de facer radio, dentro da nosa participación no programa Radio na Biblio. 

DÍA DE ROSALÍA 2025

Polo Día de Rosalía fixemos unha pequena selección de fondos na que poderedes coñecer a súa biografía e obra, así como ler algúns dos seus poemas máis coñecidos. 

Ademais o Equipo de Dinamización de Lingua Galega organizou unha actividade relacionada coa Radio Escolar sobre esta relevante escritora co gallo da conmemoración do día do seu nacemento, o 23 de febreiro. Tratouse da gravación dun programa de radio conducido polos nenos e nenas de 5º e 6º d primaria, autores do guión do mesmo. Os alumnado de 1º a 4º de primaria contestou a algunhas preguntas sobre a vida e obra de Rosalía e os nenos e nenas de infantil recitaron as primeiras estrofas de "Adios ríos, adiós fontes". 

Un programa especial de Radio Buxaina que podedes escoitar no seguinte enlace: 

https://www.ivoox.com/polo-dia-de-rosalia-audios-mp3_rf_140284269_1.html

FORMACIÓN RADIO ESCOLAR 24-25

Un ano máis, e xa é o terceiro, o alumnado de 5º EP participou nun obradoiro de radio. Neste caso foi Gabriel Paz Otero o encargado de realizalo, os días 9 e 10 de decembro. 

Ao longo do curso terán oportunidade de levar á practica todo o aprendido e realizar podcast que serán publicados en Radio Buxaina. 

Estade atentos e atentas!

RADIO BUXAINA