Esta semana tivemos unha visita moi especial para conmemorar o Día das Bibliotecas Escolares. Compartimos un ratiño con Natalia de la Peña, bibliotecaria e nai dunha compañeira da escola.
A visita estivo organizada en varias quendas, unha para os nenos e nenas de Educación Infantil, outra para 1º, 2º e 3º de primaria e finalmente tempo para o alumnado de 4º, 5º e 6º de primaria.
Ademais, ao longo destes días, os nenos e nenas da escola tiveron oportunidade de converterse en escritoras, ilustradores, editores e editoras dos seus propios libros e contos. Con todos eles preparamos unha exposición que poderedes desfrutar na entrada do colexio. Aínda quedan algúns por rematar e, en breve, todos formarán parte do catálogo da nosa biblioteca, para uso e desfrute de toda a comunidade educativa.
Ningún comentario:
Publicar un comentario