Despois de varias lecturas, os nenos e nenas integrantes do Club de Lectura animáronse a ler un libro de teatro, en concreto, "Travesía Unicornio" escrito por María Canosa e obra gañadora do premio "Anisia Miranda" de teatro infantil.
Ler teatro non é doado, estamos máis afeitos a ver unha obra de teatro, ver os personaxes en movemento, interpretando o texto. Así que foi un reto para o Club pero parece que foi unha proba superada :)
"Travesía Unicornio" fala de diversidade, de liberdade, de respecto polos outros, polas diferenzas... acaso no todos e todas temos diferenzas respecto a outros?
Como actividade conxunta representaron esa diversidade e mestura nun creativo mural que podedes ver no seguinte video ou no corredor da biblioteca, se preferides velo en "directo".
Ningún comentario:
Publicar un comentario