UNHA BIBLIOTECA CHEA DE TESOUROS. CEIP ESTEIRO (FERROL). Esta biblioteca pertence á rede PLAMBE. Consellería de Educación e Ordenación Universitaria. Xunta de Galicia.
As lecturas sobre paz, convivencia, solidariedade, entre outros temas, están sempre á disposición do alumnado na biblioteca dos tesouros... No mes de xaneiro sempre preparamos unhas caixiñas temáticas para que todos os nenos e nenas da escola poidan lelos en clase no tempo de lectura.
Esperamos que esas lecturas sexan interesantes e conviden á reflexión e o diálogo.
Á volta de Nadal moitos nenos e nenas estaban desexando poder voltar á biblio no tempo de recreo.
Algúns prefiren xogar a xogos de mesa, outros a LEGO, moitos e moitas queren debuxar, as marionetas tamén son das preferidas e, como non, os e as axudantes organizando, buscando libros, colocando e xestionando os préstamos.
Este día abrimos un buratiño para poder ver todo o que acontece na biblio cando éstá aberta ao público :-)
Polo Día da Biblioteca moitos nenos e nenas escribiron e ilustraron os seus propios libros, contos, cómics... e agora, despois de estar expostos na entrada do centro, pasan a formar parte do catálogo da biblioteca dos tesouros.
Agora todos aqueles que queirades podedes levalos en préstamo, eso si, coidándoos moito, porque son exemplares únicos! Un verdadeiro tesouro :-)
Grazas a todos os nenos e nenas que participáchedes nesta actividade!
O artigo seleccionado para este trimestre trata unha temática moi interesante: o tempo. Escrito por Alejandra Melús, experta en atención temperá, convida a reflexionar sobre como empregamos o noso tempo, a sobreestimulación á que estamos sometidos na actualidade con axendas saturadas tanto adultos como pequenos. O comezo de ano pode ser un bo momento para pensar sobre este tema. Podes lelo no seguinte enlace:
https://clubdemalasmadres.com/agenda-planes/
O video seleccionado é de Victor Küppers, Doutor en Humanidades e Licenciado en Administración e Dirección de Empresas, ademais de profesor universitario e formador. Defensor do poder que ten a "actitude" para desenvolver o máximo potencial das persoas, como poderedes ver no enlace:
https://aprendemosjuntos.bbva.com/especial/aprender-a-escuchar-victor-kuupers/
