O PREGUNTÓN EN EI

     O  alumnado de 5º e 6º de Infantil participou masivamente no xogo de pistas “O preguntón”, respondendo con moito interese ás preguntas. Atopáronas de tres tipos diferentes: sobre Marte (proxecto traballado nas aulas), sobre a clasificación dos libros na sección de Prelectores e o tipo de texto que poden atopar neles e, finalmente, sobre o argumento dos contos que máis lles gustan.

 

      A Pescadora de Historias quedou encantada, e non só polo nivel de participación, senón tamén polo boa organización das parellas para traballar en equipo, polo interese e esforzo que puxeron todas e todos para ler as preguntas e atopar as respostas. En consecuencia, todas as parellas obtiveron boas puntuacións, polo que a Pescadora de Historias as premiou con bos e xenerosos agasallos. PARABÉNS!!!