Os clubs de lectura da escola realizaron unha actividade conxunta moi interesante: un roteiro literario. Neste caso estivo centrado na vida e obra de Concepción Arenal, muller ferrolá, escritora, avogada, visitadora de cárceres, feminista... unha figura relevante da nosa cidade, Ferrol.
Recorreron as súas rúas e prazas, lembrando a súa biografía e bibliografía, deténdose en lugares como a Biblioteca Municipal, a estatua que ten Concepción Arenal no barrio de Esteiro, o Torrente Ballester, o edificio do Concello ou o Cantón de Molíns.
Non puideron asistir todos os membros do club, pero todas as nenas participantes demostraron o aprendido na preparación deste roteiro por toda a cidade.
Parabéns a todas polo bo facer e noraboa ás mestras encargadas do club por organizar unha actividade tan enriquecedora.
Ningún comentario:
Publicar un comentario